Markaziy bank 2024 yil II choragi bo‘yicha aholining iste’mol kayfiyati sharhini e’lon qildi. Unda bir qancha ahamiyatli jihatni ko‘rish mumkin.
Daromad subindeksi
Joriy yil II chorakda daromad subindeksi avvalgi chorakka nisbatan 0,7 foizga pasayib, 70,3 bandga teng bo‘lgan va o‘tgan yilning mos davri darajasida shakllangan.
Kelgusida daromadlar oshishi bo‘yicha kutilmalar indeksi biroz pasaygan bo‘lsa-da, so‘rov ishtirokchilarining qariyb uchdan ikki qismi kelgusi choraklarda daromadlari ko‘payishini kutyapti.
Kelgusida daromadi oshishini kutayotgan respondentlarning aksariyat ko‘pchiligi 5-7 mln so‘m, 7-10 mln so‘m va 10 mln so‘mdan yuqori oylik daromadga ega bo‘lgan guruhlarga to‘g‘ri kelmoqda. Daromadi nisbatan pastroq (2-3 mln so‘mgacha) bo‘lgan aholi vakillarining kelgusida daromadi ortishi bo‘yicha kutilmalari qolgan daromad guruhlariga nisbatan pastroq shakllangan.
Respondentlarning 68 foizi (o‘tgan chorakda 75 foiz) rasmiy ish xaqidan daromad olishini ta’kidlagan. Tadbirkorlik, tomorqa faoliyati hamda pul o‘tkazmalari orqali daromad oluvchilarning ulushi ortgan.
So‘rovda turizm, maishiy xizmat, tashish xizmati va qishloq xo‘jaligi sohalarida faoliyat yurituvchilar daromadlarining oshishi bo‘yicha optimistik kutilmalarni qayd etgan bo‘lsa, aksincha, davlat boshqaruvi, bank-moliya, kommunal xizmatlar va qurilish sohasidagilarning kutilmalari nisbatan pessimistik bo‘lgan.
Xarajat subindeksi
Ikkinchi chorakda respondentlarning ko‘pchiligi pulning katta qismini uy-joy ta’miri (25,8 foiz), ta’lim (20,5 foiz) va davolanish (20,1 foiz) uchun sarflashganini qayd etgan. O‘z navbatida xarajatlar tarkibida avtomobil sotib olganlar ulushi birinchi chorakdagi 12,3 foizdan 10,5 foizgacha, uy-joy xaridi ulushi 6,2 foizdan 5,8 foizgacha qisqargan.
Shuningdek, mebel sotib olish (5,3 foizdan 4,3 foizga), elektron qurilmalar (4,8 foizdan 3,5 foizga), oilaviy tadbirlar (11,5 foizdan 9,2 foizga) bilan bog‘liq xarajatlar ulushi ham kamaygan.
O‘z navbatida to‘y marosimlari (7,7 foizdan 8,4 foizga), sayohat (5,2 foizdan 6,5 foizga) va uy-joylarni ta’mirlash (23,7 foizdan 25,8 foizga) bilan bog‘liq xarajatlar ulushi ortgan.
Jamg‘arish subindeksi
Tahlillarga ko‘ra, aksariyat respondentlar (jamiga nisbatan tahminan 37 foiz) jamg‘armalari mavjud emasligini ta’kidlagan. Shuningdek jamg‘armalari 1 oygacha yetadigan respondentlar ulushi taxminan 34 foizni tashkil etgan bo‘lsa, 1−3 oygacha bo‘lgan davr uchun ushbu ko‘rsatkich taxminan 17 foizga teng bo‘dgan.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
