Bugun Qatarda FIFA U-17 Jahon chempionati rasman start oldi, deb xabar berdi FIFA. Unda O‘zbekiston o‘smirlar terma jamoasi Osiyo chempioni sifatida ishtirok etmoqda.
Bu — O‘zbekiston U-17 terma jamoasining to‘rtinchi jahon chempionati. Ilgari jamoa 2011 va 2023 yillarda chorak finalgacha yetib borgan, 2013 yilda esa 1/8 bosqichida ishtirokini yakunlagan.
Islombek Ismoilov boshchiligidagi o‘smirlar bu gal “J” guruhida Paragvay, Irlandiya va Panama bilan raqobat qiladi. Birinchi o‘yin 5 noyabr kuni Paragvayga qarshi o‘tkaziladi. Bu jamoa 1999 va 2019 yillarda chorak finalgacha yetib borgan tajribali raqib hisoblanadi.
8 noyabrda O‘zbekiston Irlandiyaga qarshi bahs olib boradi — bu Irlandiya uchun ushbu yosh toifasidagi ilk jahon chempionati bo‘ladi.
Guruhdagi so‘nggi bellashuv 11 noyabrga belgilangan. O‘zbekiston o‘smirlari Panamaga qarshi maydonga tushadi. Panama 17 yoshlilar o‘rtasidagi chempionatlarda eng yaxshi natijasini 2011 yilda qayd etgan — o‘shanda jamoa 1/8 finalga chiqqandi.
Muxlislar milliy jamoadan yangi g‘alabalar va tarixiy natijalar kutmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
