![Қайси соҳа вакиллари даромадларининг ошишини кўпроқ кутяпти?](/uploads/posts/2024-08/x3d1d83b13c_kontrakt_pullari.webp.pagespeed.ic.cYQpWri0ay.webp)
Марказий банк 2024 йил II чораги бўйича аҳолининг истеъмол кайфияти шарҳини эълон қилди. Унда бир қанча аҳамиятли жиҳатни кўриш мумкин.
Даромад субиндекси
Жорий йил II чоракда даромад субиндекси аввалги чоракка нисбатан 0,7 фоизга пасайиб, 70,3 бандга тенг бўлган ва ўтган йилнинг мос даври даражасида шаклланган.
Келгусида даромадлар ошиши бўйича кутилмалар индекси бироз пасайган бўлса-да, сўров иштирокчиларининг қарийб учдан икки қисми келгуси чоракларда даромадлари кўпайишини кутяпти.
![](/uploads/posts/2024-08/x1cc6984528_2plxk9siqsxaw1nmdmizu7c_t810sdba.webp.pagespeed.ic.W5nNYrGLA4.webp)
Келгусида даромади ошишини кутаётган респондентларнинг аксарият кўпчилиги 5-7 млн сўм, 7-10 млн сўм ва 10 млн сўмдан юқори ойлик даромадга эга бўлган гуруҳларга тўғри келмоқда. Даромади нисбатан пастроқ (2-3 млн сўмгача) бўлган аҳоли вакилларининг келгусида даромади ортиши бўйича кутилмалари қолган даромад гуруҳларига нисбатан пастроқ шаклланган.
Респондентларнинг 68 фоизи (ўтган чоракда 75 фоиз) расмий иш хақидан даромад олишини таъкидлаган. Тадбиркорлик, томорқа фаолияти ҳамда пул ўтказмалари орқали даромад олувчиларнинг улуши ортган.
![](/uploads/posts/2024-08/f533b3c5df_lroj15yvfursm-sp3bmrewwzjkxv3n-j.webp)
Сўровда туризм, маиший хизмат, ташиш хизмати ва қишлоқ хўжалиги соҳаларида фаолият юритувчилар даромадларининг ошиши бўйича оптимистик кутилмаларни қайд этган бўлса, аксинча, давлат бошқаруви, банк-молия, коммунал хизматлар ва қурилиш соҳасидагиларнинг кутилмалари нисбатан пессимистик бўлган.
Харажат субиндекси
Иккинчи чоракда респондентларнинг кўпчилиги пулнинг катта қисмини уй-жой таъмири (25,8 фоиз), таълим (20,5 фоиз) ва даволаниш (20,1 фоиз) учун сарфлашганини қайд этган. Ўз навбатида харажатлар таркибида автомобил сотиб олганлар улуши биринчи чоракдаги 12,3 фоиздан 10,5 фоизгача, уй-жой хариди улуши 6,2 фоиздан 5,8 фоизгача қисқарган.
Шунингдек, мебел сотиб олиш (5,3 фоиздан 4,3 фоизга), электрон қурилмалар (4,8 фоиздан 3,5 фоизга), оилавий тадбирлар (11,5 фоиздан 9,2 фоизга) билан боғлиқ харажатлар улуши ҳам камайган.
![](/uploads/posts/2024-08/x506f5dca0c_m57qauecvrxl2zrgvgv-yg0i5l3n5yms.webp.pagespeed.ic.wfkNu9SqZc.webp)
Ўз навбатида тўй маросимлари (7,7 фоиздан 8,4 фоизга), саёҳат (5,2 фоиздан 6,5 фоизга) ва уй-жойларни таъмирлаш (23,7 фоиздан 25,8 фоизга) билан боғлиқ харажатлар улуши ортган.
Жамғариш субиндекси
Таҳлилларга кўра, аксарият респондентлар (жамига нисбатан таҳминан 37 фоиз) жамғармалари мавжуд эмаслигини таъкидлаган. Шунингдек жамғармалари 1 ойгача етадиган респондентлар улуши тахминан 34 фоизни ташкил этган бўлса, 1−3 ойгача бўлган давр учун ушбу кўрсаткич тахминан 17 фоизга тенг бўдган.
![](/uploads/posts/2024-08/x5251623f4e_g-bdamccgpqsd5xvskc9g5v34ansrlh8.webp.pagespeed.ic.ESJm0Tt342.webp)
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Суперлига. "Сўғдиёна" сафарда "Нефтчи"ни йирик ҳисобда мағлуб этди расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Суперлига. "Сўғдиёна" сафарда "Нефтчи"ни йирик ҳисобда мағлуб этди
![Британия дипломати ҳукумат Исроилга қурол сотгани учун истеъфога чиқди расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Британия дипломати ҳукумат Исроилга қурол сотгани учун истеъфога чиқди
![Тошкент шаҳрида қалбаки АҚШ долларларини сотаётган шахслар қўлга олинди расм](/uploads/posts/2024-08/x0d239a4586_dollar-dfswnvj.webp.pagespeed.ic.xQqBrjFFm_.webp)
Тошкент шаҳрида қалбаки АҚШ долларларини сотаётган шахслар қўлга олинди
![Қозоғистон, Ўзбекистон, Қирғизистон ва Тожикистон спортга қанча маблағ сарфламоқда? расм](/uploads/posts/2024-08/xe16114d5ec_v1jihwjxnappg5yvzfucjacvp6zlkoaj.webp.pagespeed.ic.jr9bYw4bEt.webp)
Қозоғистон, Ўзбекистон, Қирғизистон ва Тожикистон спортга қанча маблағ сарфламоқда?
![КХДР ТИВ: Украинанинг Курскга ҳужуми Зеленский режимининг мағлубияти билан якунланади расм](/uploads/posts/2024-08/xd3c3e5fe5b_1496895_001346758_1280x0_80_0_0_96097df5ecb4a70e5152f54bcc92a40a_jpg.webp.pagespeed.ic.f0bMDAJLQV.webp)
КХДР ТИВ: Украинанинг Курскга ҳужуми Зеленский режимининг мағлубияти билан якунланади
![Наманганда фельдшер бош бўлган жиноий гуруҳга ҳукм ўқилди расм](/uploads/posts/2024-08/xbd868ff068_920__95_3934817999.webp.pagespeed.ic.8Lr20VVgSx.webp)
Наманганда фельдшер бош бўлган жиноий гуруҳга ҳукм ўқилди
![Президент бизнес учун тўсиқларни қисқартириш борасида таклифлар берди расм](/uploads/posts/2024-08/x69df180cbf_zzmjjge6krttly-lyiqvb3fz1brd1jak.webp.pagespeed.ic.xLBVPumndb.webp)
Президент бизнес учун тўсиқларни қисқартириш борасида таклифлар берди
![Сомон йўлида Ердан 27 минг марта катта номаълум объект аниқланди расм](/uploads/posts/2024-08/x4fb274cf09_photo_2024-08-20_22-27-04-fwceiymn.webp.pagespeed.ic.drD5dBDXOa.webp)
Сомон йўлида Ердан 27 минг марта катта номаълум объект аниқланди