Octobank joriy yilda xalqaro Visa to‘lov tizimining ikki nufuzli mukofotiga sazovor bo‘ldi: "Elektron tijoratda eng yaxshi eksklyuziv bank" va "Kriptokartalar ishga tushirilishi uchun". Mukofotlash marosimi 10 dekabr kuni Visa Excellence Cup 2025 doirasida bo‘lib o‘tdi.
Best E-com Acquirer mukofoti Octobank’ning elektron tijoratda yetakchi bank sifatidagi maqomini yana bir bor tasdiqladi. Octobank ekvayringi butun O‘zbekiston bo‘ylab 15 mingdan ortiq kompaniyalar tomonidan tanlangan.
Bank xizmatlari tadbirkorlarga biznesni kengaytirish, onlayn savdoni oshirish va yangi bozorlarga chiqishda yordam beradi, to‘lovlarning qulayligi va xavfsizligini ta’minlaydi. Crypto-Linked Card Launch mukofoti esa kriptokartalarning muvaffaqiyatli ishga tushirilgani uchun berildi.
Mijozlarning raqamli aktivlarga kirishini osonlashtirish va moliyaviy tizimga innovatsion yechimlarni joriy etish Octobank strategiyasining muhim yo‘nalishlaridan biridir. Eslatib o‘tamiz, Octobank 2024 yilda ham O‘zbekistonda ekvayringning muvaffaqiyatli rivojlanishi uchun Visa mukofotiga sazovor bo‘lgan edi.
Bu yil esa bank elektron to‘lovlar sohasidagi yetakchi pozitsiyasini mustahkamladi. "Octobank Visa hamkorlariga bildirilgan ishonch va yuksak baho uchun minnatdorlik bildiradi.
Keyingi 2026 yilda biz xizmatlarimizning texnologiyaviy imkoniyatlarini rivojlantirishda davom etamiz va mijozlarimiz uchun qulay, xavfsiz hamda oson to‘lov vositalarini taqdim etamiz," — deyiladi bank bayonotida.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
