Time jurnali tomonidan 2025 yilning eng yaxshi aktyori sifatida Leonardo Di Kaprio tan olindi. Nashrda ta’kidlanishicha, aktyorning faoliyati juda muvaffaqiyatli bo‘lib, bu ko‘plab uning tengdoshlari orzu qiladigan darajada.
Di Kaprio Time jurnaliga bergan intervyusida yaqinda suratga olingan "Janglar jangi" filmi haqida gapirib, ushbu film bugungi notinch davrda tomoshabinlar orasida o‘z aks-sadosini topayotganini qayd etdi.
"Bu film, asosan, odamlar haqida. Biz yashab turgan dunyo qo‘rquv bilan to‘la bo‘lib, o‘z e’tiqodlarini ochiqchasiga aytish yoki biror pozitsiyani himoya qilishdan qo‘rqadigan insonlar haqida hikoya qiladi", — dedi aktyor.
Nashrning fikriga ko‘ra, striming xizmatlari davrida Di Kaprio o‘z rollarini sinchiklab tanlashi va prodyuser sifatidagi ishi tufayli haqiqiy yulduz maqomiga yaqinlashgan.
Shu sababli u jozibador romantik qahramonlar qiyofasidan chiqib, o‘zini har tomonlama ko‘rsatishga erishgan. Bugungi kunda Leonardo Di Kaprio 51 yoshda.
U 50 dan ortiq filmlarda ishtirok etgan va "Oskar", "Oltin globus", BAFTA, "Kumush ayiq" hamda kino sohasidagi boshqa ko‘plab mukofotlarga sazovor bo‘lgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
