Ba’zan insonlar qalb kechinmalarini atrofdagilarga oshkor etishni istaydilar. Ayrimlar shu orqali o‘zlarini yanada yengil his qiladilar. Bu borada shoirlar va xonandalarning omadi chopgan. Yurak hislarini bemalol qo‘shiq qilib kuylashlari mumkin. Aynan shunday qalbdan kuylangan taronalar ham muxlislar qalbidan chuqur joy oladi.
Bugun “Premera” loyihasi orqali e’tiboringizga havola etilayotgan qo‘shiq ham oilani, ham san’atni o‘z yo‘lida munosib olib borayotgan xonanda, shuningdek, ko‘plab jiddiy va komik obrazlari bilan tomoshabinlar mehriga sazovor bo‘lgan aktrisa Madina Mumtozga tegishli.
“Unutolmadim” nomli qo‘shiqni tinglaganimizda Madina Mumtozning nolalari va ijrosi orqali bu qo‘shiq chindan yurakdan ijro etilganiga amin bo‘ldik.
Darvoqe, qo‘shiq jonli ijrodan yozib olingan. Xonanda qo‘shiqning har bir satrini bir necha marta kuylab, keyin unga kompyuter orqali ishlov berilmagan. Shu sabab ham xonandaning har bir nafasi, nolasi eshitgan quloqqa o‘zgacha kayfiyat bahsh etadi.
Qo‘shiqda “Men uni haliyam sevaman, unutay deymanu unutolmayman” degan satrlar bor. Beixtiyor savol tug‘ilishi tabiiy. Go‘yoki Madina Mumtoz o‘tmishni yodga olgandek... “Muhabbat oldida, hatto, shoh ham bosh egadi” deganlaridek, Madina Mumtoz ham birinchi muhabbatini unuta olmayotgandir.
Shu kabi savollarimiz tinchlik bermagani sababli xonanda bilan bog‘landik va oydinlik kiritishga harakat qildik.
Madina Mumtozga “Nahotki haligacha eski muhabbatingizni unuta olmayapsiz? Bejizga bu mavzuda qo‘shiq kuylamagandirsiz?”, deya savol berganimizda, xonanda kulgidan o‘zini zo‘rg‘a ushlab turdi. Madinaning javobini o‘zgartirmagan holda e’tiboringizga havola etamiz:
“Bilasizmi, biz san’atkorlar faqat o‘zimizni dardimizni doston qilavermaymiz, balki boshqalarning ham dardini olib chiqishimiz zarur. Bu qo‘shiqni ilk marta eshitganimda, hayolimdan o‘lim tufayli sevgilisidan ayrilgan yorning nolasi sifatida yodimda qolgan edi. Keyin shu asarni kuylashga qaror qildim va kuylaganimda ana shu tasavvur ko‘z o‘ngimdan o‘tadi... Go‘yoki juftlikning biri ortga qaytmaydi, ya’ni u bevaqt vafot etganu muhabbati qolib ketgan. Shuning uchun aytmoqchimanki, bu qo‘shiqning shaxsiy hayotimga aloqasi yo‘q. Mavzu, qolaversa, ohangi yoqqani uchun ozarbayjon tilidan o‘zbek tiliga tarjima qilib kuylaganman”.
Alohida ta’kidlash zarur, qo‘shiqning so‘z va musiqa muallifi ozarbayjonlik ijodkor Ahmed Mustafoyevga tegishli. Madina Mumtoz she’rni o‘zbekchaga tarjima qilgan va kuylagan. Xonanda nafaqat o‘zbek tilini, balki ozarbayjon va turk tilini ham mukammal bilishi uning muxlislariga ayon bo‘lsa kerak.
Shu o‘rinda xonanda “Qalampir.uz” sayti orqali jonli ijroda ohang yaratgan sozandalarga ham o‘z minnatdorchiligini bildirib o‘tdi. Ular bilan tanishtirsak:
Klavishda – Farruh Abduazimov
Skripkada – turkiyalik ijodkor Okan Karayas
Bas gitarada – Shuhrat Toirzoda
Barabanda – Damir Fathullin
Akustik gitarada – Jamshid Rajabov
Kongida – Doniyor Abduvaliyev.
Ushbu qo‘shiqni saytimizning musiqa bo‘limida tinglash va ko‘chirib olish imkoniyatiga egasiz.
Manba: Qalampir.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Tramp Putinga qo‘ng‘iroq qilib, Ukrainadagi urushni muhokama qildi
AQSH Isroilga puli to‘langan buldozerlarni bermadi
Rossiya Kursk viloyatidagi hududlarini qaytarib olishga 50 ming harbiy to‘pladi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Immunitetni ko‘tarish uchun 6 ta eng yaxshi vitamin
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
