Aktrisa Durdona Qurbonova bergan intervyularidan birida bo‘lajak turmush o‘rtog‘i qanday inson bo‘lishi kerakligi haqida ochiq gapirdi.
U o‘zini juda qizg‘anchiq va rashkchi inson deb bilishini aytar ekan, kelajakdagi umr yo‘ldoshini shou-biznes vakillari orasidan tasavvur qila olmasligini ta’kidladi. Aktrisaning so‘zlariga ko‘ra, bo‘lajak turmush o‘rtog‘i biznesmen yoki tadbirkor bo‘lishi ma’qul.
Shuningdek, Durdona turmush o‘rtog‘ining yoshi o‘zi bilan teng yoki undan katta bo‘lishi kerakligini ham alohida qayd etdi.
— Yonimda yurganida uning mendan kattaligini his qilib turishim kerak. Dunyoqarashi keng, fikrlashi menikidan yuqori bo‘lishi muhim. Agar mendan kichik bo‘lsa, unga doim aql o‘rgatib, maslahat berib yurishimga to‘g‘ri keladi, — dedi aktrisa.
“Zamin”ni Telegramʻda oʻqing!
