Taniqli o‘zbek aktrisasi Feruza Normatova turmush o‘rtog‘idan olgan kutilmagan, ammo juda samimiy sovg‘a haqida o‘z sahifasida video orqali bo‘lishdi. Unga ko‘ra, bir kun boshida og‘riq sezgan aktrisa bu holatini eriga aytganida, u sababini so‘ragan.
Feruza Normatovaning aytishicha, bosh og‘rig‘ining sababi sochlarini yaxshi quritmagani bo‘lgan. Buni eshitgan turmush o‘rtog‘i unga mashhur "Dyson" brendidagi soch quritgichini sovg‘a qilgan.
Videoda aktrisaning bu hadyaga juda mamnun bo‘lgani, yuzida tabassum va minnatdorlik ifodasi yaqqol ko‘zga tashlanadi. Post ostiga esa Feruza Normatova quyidagi izohni qoldirgan:
“Biz ayollar erimizni rozi qilish haqida o‘ylaymiz, aslida biz ham erimizdan rozi bo‘lib, ularni duo qilishimiz kerak. Shunda baraka bo‘ladi in shaa Allah. Muhabbat yakkalik bilan emas, ikki tomon harakati bilan mustahkamlanadi. Ayolini erkalatib siylagan erkaklardan Robbim rozi bo‘lsin.”
