O'zbekiston Konstitutsiyaviy sudida sud majlislarida onlayn ishtirok etish, internet-translyatsiyalarni yo'lga qo'yish va vazirlik hamda idoralar o'rtasida elektron ma'lumot almashinuvini tashkil etish rejalashtirilmoqda.
Mazkur takliflar prezident Shavkat Mirziyoyevga Konstitutsiyaviy sud faoliyatini raqamlashtirish va konstitutsiyaviy huquqlarni himoya qilish mexanizmlarini takomillashtirish masalalari bo'yicha taqdimot chog'ida taqdim etildi.
Qayd etilishicha, raqamli yechimlar sudni rivojlantirishning asosiy yo'nalishlaridan biriga aylanadi. Xususan, fuqarolar va tadbirkorlarning murojaatlarini ko'rib chiqish jarayonlarini soddalashtirish va ularni tezkor ko'rib chiqishni ta'minlash rejalashtirilmoqda.
Shuningdek, konstitutsiyaviy shikoyat institutining samaradorligini oshirish choralari ham muhokama qilindi. Sud tomonidan qo'llanilgan qonun Konstitutsiyaga zid deb topilganda, bu sud qarorini qayta ko'rib chiqish uchun asos bo'lishi tartibini joriy etish taklif qilinmoqda.
Mehmon guruhidagi foydalanuvchilar ushbu nashrga izoh qoldira olmaydi.
