2 fevral holatiga ko‘ra, O‘zbekiston Respublikasi Markaziy banki oltin quymalari narxlari keskin tushganini ko‘rsatmoqda: 5 grammli quyma 9 867 000 so‘mgacha arzonlagan.
Markaziy bank sahifasidagi yangilangan narxlar ro‘yxati quyidagicha:
- 5 gramm — 9 867 000 so‘m
- 10 gramm — 19 735 000 so‘m
- 20 gramm — 39 469 000 so‘m
- 50 gramm — 98 674 000 so‘m
- 100 gramm — 197 347 000 so‘m
Shu bilan birga, 1 gramm oltin 1 973 400 so‘mga baholangan.
Nega bunday tushdi?
Bunda tashqi bozor ta’siri ham kuchli. Xalqaro maydonda oltin va kumush narxlari keskin qulagani, bu jarayonda Donald Trampning AQSh Federal zaxira tizimi rahbarligi uchun Kevin Uorshni nomzod sifatida ko‘rsatishi ortidan bozorda “qattiqroq pul siyosati” kutilmalari va dollar mustahkamlanishi omil bo‘lgani aytilmoqda. Shuningdek, CME Group marja talablarini oshirgani ham savdolarda majburiy sotuvlarni kuchaytirgan.
Qisqasi, “dam olish kunlarida” oltin biroz “shok” rejimiga kirib oldi. Kimdir uchun bu — arzonroq xarid imkoni, kimdir uchun — bozor qanchalik tez o‘zgarishini eslatadigan signal.
“Zamin”ni Telegramʻda oʻqing!
