Barchaga ma'lum 9 iyul kuni London shahridagi "O2" arenasi ajoyib professional boks oqshomiga mezbonlik qiladi. Mazkur jang kechasida hamyurtimiz Isroil Madrimov ham ringga koʻtariladi. Madrimov super yarim oʻrta vazn toifasida (69,8 kg) WBA eliminator jangi dorasida frantsiyalik Mishel Soroga qarshi bahs yuritadi. Ushbu qarama-qarshilik ular oʻrtasidagi revansh jangi hisoblanib, dastlabkisida yurtdoshimiz gʻalaba qozongandi. Xullas, ushbu revansh jangi borasida boks murabbiylarining fikrlari bilan qiziqdik.
Vladimir Shin: - Biror taxmin bildira olmayman. Chunki, bu boks va bunda har qanday vaziyat boʻlishi mumkin!
Zufar Sulaymonov: Revansh jangi ham juda murosasiz boʻlib oʻtadi. Isroil dastlabki jangda ham gʻalaba qozongan va uning kuchli va kuchsiz jihatlarini yaxshi oʻzlashtirgan. Tayyorgarligi ham a'lo darajada kechmoqda. Oʻylaymanki, bu safar ham Isroil chiroyli gʻalabaga erishadi.
Rustam Saidov: - Albatta, Isroilni yutishini xohlaymiz va oʻylaymanki, Madrimov aqilli va tartibli jang oʻtkazsa, buni uddasidan chiqadi.
Mansur Muqimov: - Jang juda qiziq boʻladi. Chunki, 1-toʻqnashuv ham juda shiddatli kechgandi. Hakamning xatosi uchun kandaydir e'tirozlar boʻlganligini koʻrdik. Lekin, Isroil oʻsha jang davom etgan taqdirda ham gʻalaba qilishiga hech kanday shubha koldirmagandi. Navbatdagi bahs ham juda qizgʻin boʻladi. Chunki, raqiblar bir-birlarini juda yaxshi biladi. Soro ham kuchli bokschiligini koʻrdik, ammo Isroildagi hakikiy matonatni usha jangda koʻrdim. Oʻylaymanki, Isroil yutadi. Hozirda u janga puxta hozirlik koʻrgan va nazarimda bokschiga kerak boʻlgan harakter unda 100 foiz mavjud. Albatta, Isroilni yutishini xohlayman va umid qilaman!
Abror Tursunpoʻlatov: - Bu jang toʻliq davom etmaydi, degan fikrdaman. Bu safar Isroilga dastlabki jangdan koʻra, osonroq boʻladi va u muddatidan avval gʻalaba qozonadi. Hozirda, Matchroom geografiyani kengaytirgan va ushbu promouterlik kompaniyasi tashkil qiladigan jang kechalari adolatli tarzda oʻtmoqda. Golden Boy, Top Rank, PBC promouterlik kompaniyalarida asosiy e'tibor AQSh va meksikaliklarga qaratiladi. Yuqorida aytib oʻtganimdek, jang toʻliq davom etadi, deb oʻylamayman.
Abduvohid Jalolov: - Isroil gʻalaba kozonadi, deb uylayman. Madrimov juda ham irodali, jangavor ruhiyati kuchli bola... Prof ringda 4 yildan beri ancha tajribaga erishdi. Omad yor boʻlsin!
Javlonbek Eshmatov: - Isroil Madrimov uchun oson jang boʻlmaydi. Biroq, uning mahoratiga shubha yoʻq va oʻzining chiroyli harakatlari bilan uzogʻi 10-raundda nokaut bilan gʻalaba qozonadi.
Dilshod Mahmudov: - Albatta, bu boks! Barchasi jangga qanday tayorgarlik koʻrganligiga bogʻliq. Ochigʻi, hozir biror bir fikr bildirish qiyin. Biroq, Isroil Madrimov hozir juda yuqori jismoniy holatga ega. Albatta, Isroilni yutishini xohlayman va omad tilayman!
Askar Mamedov: - Madrimov bu jangga yaxshi tayyorgarlik koʻrganligiga shubham yoʻq. Albatta, u gʻalaba qozonadi. Inshalloh nokaut bilan!
Husan Shirmatov: - Ushbu jang Madrimov uchun juda yaxshi tajriba boʻladi. Professional bokschi sifatida Soro Madrimovdan yaxshiroq. Biroq uning yoshi anchagina katta. Shunday ekan, imkoniyatlarni 50/50 baholagan boʻlardim. Omad Isroil!
Alisher Rahimov: - Juda qiyin jang boʻladi. Agar, hakamlar Soroga yordam bermasa, Isroil yutadi!
Feruz Yuldashev: - Bu safar ham Madrimov yutadi. Chunki, dastlabki jangdagi gʻalaba Isroilni oʻziga boʻlgan ishonchini oshirganligi aniq. Qolaversa, tayyorgarligi ham a'lo darajada. Qoʻshimchasiga Murodjon Ahmadalievni chiroyli gʻalabasi uning ruhiyatiga ham ijobiy ta'sir koʻrsatganligi aniq. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
