Toshkentlik bolakay O‘zbekiston sha’nini himoya qildi

Rossiya va O‘zbekiston terma jamoalari o‘rtasida o‘tkazilgan «Do‘stlik Kubogi» xalqaro bouling musobaqasida O‘zbekiston jamoasi uchun yagona g‘alabani 12 yoshli toshkentlik sportchi Yusufali Dalaboyev qo‘lga kiritdi. U tyumenlik rossiyalik raqibi Andrey Pavlenkoni mag‘lub etdi.

Ushbu g‘alaba O‘zbekiston jamoasining umumiy hisobdagi yagona ochkosi bo‘lib, musobaqa 10:1 hisobida Rossiya foydasiga yakunlandi. «Do‘stlik Kubogi» 4–5-noyabr kunlari Samara shahrida o‘tkazilgan.

Erkaklar jamoaviy finalida rossiyaliklar hal qiluvchi roll-offda g‘alaba qozonishdi. Ayollar bellashuvida rossiyalik Mariya Koshel o‘zbekistonlik Tatyana Lefterni mag‘lub etdi.

Erkaklar yakkalik finalida esa Krasnodardan bo‘lgan Aleksandr Vasekin dramatik roll-offda Toshkent vakili Davron Tuychiyevni ikki keglya farqi bilan mag‘lubiyatga uchratdi. “Zamin”ni Telegramʻda oʻqing!