Milanning «Inter» jamoasi bosh murabbiyi Kristian Kivu A Seriyadagi chempionlik poygasi borasidagi vaziyatga munosabat bildirdi. Bu haqda euro-football.ru xabar beradi.
Yakshanba kuni «neradzurrilar» safarda «Sassuolo»ni 5:0 hisobida tor-mor etdi va ikkinchi o‘rindagi «Milan»dan ustunligini 8 ochkoga yetkazdi. «Rossoneri»da esa bitta o‘yin zaxirada qolmoqda.
Uchrashuvdan so‘ng jurnalistlar Kivudan skudetto uchun kurashdagi imkoniyatlarni so‘raganida, ruminiyalik mutaxassis kutilmagan javob qaytardi.
«Hozircha — nol foiz. Oldinda hali juda ko‘p o‘yin bor, ko‘p ochkolar o‘ynaladi. Katta maqsad qo‘yganlar faqat biz emasmiz. Oldinda og‘ir mehnat turibdi», — dedi Kivu DAZN’ga bergan intervyusida.
Keyingi shanba, 14-fevral kuni «Inter» A Seriyaning 25-turi doirasida o‘z maydonida «Yuventus»ni qabul qiladi.
“Zamin”ni Telegramʻda oʻqing!
