Fransiya chempionatining 21-turida 8-fevral kuni Parijdagi “Park de Prens” stadionida bo‘lib o‘tgan “PSJ” – “Marsel” uchrashuvida (5:0) mezbonlar muxlislari salbiy tomondan ko‘zga tashlandi. Bu haqda Le Parisien xabar berdi. Bu haqda euro-football.ru xabar beradi.
Manbaga ko‘ra, parijlik fanatlar raqibga qarshi haqoratli shiorlar aytib, xuddi shu mazmundagi bannerlarni ham namoyish qilgan. Ayrim iboralar irqchilik sifatida baholanishi mumkinligi aytilmoqda, biroq nashr suhbatlashgan yurist buni amalda isbotlash qanchalik mumkinligi borasida shubha bildirgan.
O‘yin tugashiga 20 daqiqa qolganda tribunada ko‘plab fayyerlar yoqilgani sabab uchrashuv vaqtincha to‘xtatildi. “PSJ” rahbariyati esa bahsdan oldin muxlislardan bunday harakatlardan tiyilishni so‘rab, holatning oldini olishga uringani qayd etildi.
Avvalroq klub fanatlari “Pari” (FK “Parij”)ni haqorat qilgani ortidan “PSJ” tribunaning bir qismini qisman yopish jazosi bilan jazolangan edi. Endi voqea yana takrorlangani fonida, 18-fevral kuni mahalliy Intizomiy qo‘mita xuddi shunday yoki undan ham qattiqroq qaror chiqarishi ehtimoli yuqori.
“Zamin”ni Telegramʻda oʻqing!
