Rossiya terma jamoasining sobiq futbolchisi Aleksandr Samedov milliy jamoa atrofidagi vaziyat haqida fikr bildirdi. Uning aytishicha, navbatdagi yig'in qariyb besh yarim haftadan keyin bo'lib o'tadi, biroq o'rtoqlik uchrashuvlaridagi raqiblar hanuz rasman e'lon qilingani yo'q. Bu haqda euro-football.ru xabar beradi.
Samedov Rossiya yaqin kelajakda Yevropaning yetakchi terma jamoalariga qarshi maydonga tushishiga ishonishini ta'kidladi. Shuningdek, u 2026 yilda Rossiya kuchli Lotin Amerikasi terma jamoalaridan biri bilan ham o'yin o'tkazishi ehtimolini istisno qilmadi.
Hozirda Rossiya faqat o'rtoqlik bahslarida qatnashishi mumkin. Bunga UEFA va FIFA tomonidan qariyb to'rt yil avval Rossiya futbol ittifoqiga nisbatan joriy etilgan sanksiyalar sabab bo'lmoqda.
Ma'lumot uchun, Rossiya terma jamoasi oxirgi marta rasmiy uchrashuvni 2021 yil noyabrida o'tkazgan.
“Zamin”ni Telegramʻda oʻqing!
