Россия терма жамоасининг собиқ футболчиси Александр Самедов миллий жамоа атрофидаги вазият ҳақида фикр билдирди. Унинг айтишича, навбатдаги йиғин қарийб беш ярим ҳафтадан кейин бўлиб ўтади, бироқ ўртоқлик учрашувларидаги рақиблар ҳануз расман эълон қилингани йўқ. Бу ҳақда euro-football.ru хабар беради.
Самедов Россия яқин келажакда Европанинг етакчи терма жамоаларига қарши майдонга тушишига ишонишини таъкидлади. Шунингдек, у 2026 йилда Россия кучли Лотин Америкаси терма жамоаларидан бири билан ҳам ўйин ўтказиши эҳтимолини истисно қилмади.
Ҳозирда Россия фақат ўртоқлик баҳсларида қатнашиши мумкин. Бунга УЕФА ва ФИФА томонидан қарийб тўрт йил аввал Россия футбол иттифоқига нисбатан жорий этилган санкциялар сабаб бўлмоқда.
Маълумот учун, Россия терма жамоаси охирги марта расмий учрашувни 2021 йил ноябрида ўтказган.
“Zamin”ни Telegram'да ўқинг!
