«Al-Nasr» bosh murabbiyi Zhorzhe Zhezush Krishtianu Ronaldu yaqinlashib kelayotgan o'yinda maydonga tushmasligining sababini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida «Arkadag»ga qarshi bahs olib boradi. Portugaliyalik hujumchi tez orada jamoaga qaytishi kutilayotgan bo'lsa-da, bu uchrashuvda uning nomi qaydnomadan joy olmaydi.
«Taqvim juda tig'iz. Shu bois Ronaldu va asosiy tarkibdagi yana bir nechta futbolchiga dam berishga qaror qildik. Oldinda «Al-Fateh»ga qarshi muhim o'yin bor», — dedi Zhezush. Uning so'zlarini Al Nassr Zone keltirdi.
Murabbiy ta'kidlashicha, Ronalduning dam olishi yangilik emas: bu Saudiya Arabistoni tashqarisida o'tadigan uchrashuvlarda uning maydonga tushmay qolishi birinchi holat emas.
Saudiya chempionatidagi «Al-Fateh» — «Al-Nasr» uchrashuvi shanba, 14 fevral kuni bo'lib o'tadi.
“Zamin”ni Telegramʻda oʻqing!
