Germaniya chempionatining 22-turida «Gamburg» o'z maydonida «Union Berlin»ni qabul qildi. Bu haqda euro-football.ru xabar beradi.
Uchrashuvda hisobni mehmonlar 28-daqiqada ochdi: Leopold Kverfeld penaltidan aniq zarba berdi — 0:1. Biroq «Gamburg» tezda javob qaytardi: 35-daqiqada Ransford Kenigsdorffer Robert Glatsel uzatmasidan foydalanib, muvozanatni tikladi. Birinchi bo'lim yakunida esa Nikolas Kapaldo mezbonlarni oldinga olib chiqdi — 2:1.
Ikkinchi taymda «Union» javob izlar ekan, Derrick Koen jarima zarbasidan to'singa tekkizib yubordi. 82-daqiqada esa Kenigsdorffer Gyorgi Gocholeshvili pasidan so'ng dublini rasmiylashtirib, «Gamburg»ning ustunligini mustahkamladi — 3:1.
O'yin oxirlarida intriga qaytdi: 89-daqiqada Oliver Byork Andrey Ilichning uzatmasini bosh bilan golga aylantirdi — 3:2. Shunga qaramay, «Gamburg» hisobni saqlab qoldi va irodali g'alabani qo'lga kiritdi.
Ushbu natijadan so'ng jamoalar turnir jadvalida to'qqizinchi o'rinni bo'lib turibdi.
“Zamin”ni Telegramʻda oʻqing!
