Murabbiy Aleksandr Grigoryan Italiya A Seriyasining 25-turida «Napoli» va «Roma» o'rtasidagi uchrashuvda qayd etilgan durang natija o'yin mantig'iga to'liq mos kelganini ta'kidladi. Bu haqda euro-football.ru xabar beradi.
Bellashuv 2:2 hisobida yakunlandi. Mezbonlar — neapolliklar ikki bor hisobda ortda qolib ketdi, biroq yakunda mag'lubiyatdan qutulib qoldi.
Grigoryan fikricha, jamoalar bir ochkodan haqli ravishda oldi: «Roma» yakka kurashlarning deyarli barcha turlarida juda kuchli ko'rindi, «Napoli»da esa individual mahorati yuqori, fenomenal futbolchilar bor», — deya uning so'zlarini «Match TV» keltirdi.
«Napoli» safida Leonardo Spinachchola va Alisson Santos gol urdi. Mehmonlar tomonida esa Doniell Malen dubl qayd etdi.
Turnir jadvalida «Napoli» 50 ochko bilan kuchli uchlikni yakunlab turibdi, «Roma» esa uch ochkolik farq bilan to'rtinchi o'rinda bormoqda.
“Zamin”ni Telegramʻda oʻqing!
