Мураббий Александр Григорян Италия А Сериясининг 25-турида «Наполи» ва «Рома» ўртасидаги учрашувда қайд этилган дуранг натижа ўйин мантиғига тўлиқ мос келганини таъкидлади. Бу ҳақда euro-football.ru хабар беради.
Беллашув 2:2 ҳисобида якунланди. Мезбонлар — неаполликлар икки бор ҳисобда ортда қолиб кетди, бироқ якунда мағлубиятдан қутулиб қолди.
Григорян фикрича, жамоалар бир очкодан ҳақли равишда олди: «Рома» якка курашларнинг деярли барча турларида жуда кучли кўринди, «Наполи»да эса индивидуал маҳорати юқори, феноменал футболчилар бор», — дея унинг сўзларини «Match TV» келтирди.
«Наполи» сафида Леонардо Спиначчола ва Алиссон Сантос гол урди. Меҳмонлар томонида эса Дониэлл Мален дубл қайд этди.
Турнир жадвалида «Наполи» 50 очко билан кучли учликни якунлаб турибди, «Рома» эса уч очколик фарқ билан тўртинчи ўринда бормоқда.
“Zamin”ни Telegram'да ўқинг!
