Rossiyalik himoyachi Georgiy Djikijaning Antalyaspor klubidagi kelajagi borasida uning agenti Malik Arutyunov izoh berdi. Bu haqda euro-football.ru xabar beradi.
Agentning aytishicha, futbolchi maoshlar kechiktirilayotganidan norozi va shu bois Rossiya Premyer-ligasi klublaridan kelishi mumkin bo'lgan variantlarni ko'rib chiqmoqda. Arutyunov ta'kidlashicha, to'lovlar noyabr oyidan beri kechikmoqda, qolgan masalalarda esa Djikija Turkiyadagi sharoitdan mamnun.
32 yoshli himoyachi Antalyaspor safiga o'tgan yozda kelib qo'shilgan. U turk klubi bilan ikki yillik shartnoma imzolagan.
Joriy mavsum Turkiya Superligasida Djikija 12 uchrashuvda maydonga tushdi, 2 ta gol urdi va 3 ta sariq kartochka oldi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
