“Bavariya” bosh murabbiyi Vensan Kompani futbolchilik faoliyati davomida o‘zi uchun eng og‘ir va kuchli raqiblar kim bo‘lganini esladi. Bu haqda euro-football.ru xabar beradi.
Belgiyalik mutaxassis eng katta taassurot qoldirgan futbolchi sifatida braziliyalik Ronaldinyoni tilga oldi. U faoliyati davomida “PSJ”, “Barselona” va “Milan” safida porlagani bilan mashhur.
“Menga eng kuchli taassurotni aynan Ronaldinyo qoldirgan. Albatta, Ronaldu va Messi — eng zo‘r futbolchilar, ammo bitta o‘yin doirasidagi ta’sir haqida gap ketsa, men uchun bu Ronaldinyo”, — dedi Kompani qiyin raqiblar haqidagi savolga javob berar ekan.
Eslatib o‘tamiz, Kompani 2020 yilda futbolchilik faoliyatini yakunlagan. 2024 yil yozidan u “Bavariya”ni boshqarib kelmoqda va o‘tgan mavsumda jamoani Bundesliga chempionligiga olib chiqqan.
“Zamin”ni Telegramʻda oʻqing!
