Peterburgning «Zenit» klubi sobiq yarim himoyachisi, hozirda futbol mutaxassisi sifatida faoliyat yuritayotgan Vladislav Radimov Italiya futboli holati haqida fikr bildirdi. Bu haqda euro-football.ru xabar beradi.
Radimovning aytishicha, Italiya futboli hozir inqiroz davrini boshdan kechirmoqda: klublar legionerlar hisobiga natija ko'rsatayotgan bo'lsa-da, terma jamoa darajasi uning nazarida yetarlicha yuqori emas. U bu fikrlarni «Match TV» efirida bildirib o'tdi.
Eslatib o'tamiz, Italiya terma jamoasi 2026 yilgi jahon chempionatiga to'g'ridan-to'g'ri yo'llanma ola olmadi. Jennaro Gattuzo boshchiligidagi jamoa mundialga chiqish uchun pley-off uchrashuvlarida ishtirok etadi.
2026 yilgi jahon chempionati yoz oylarida Shimoliy Amerikada bo'lib o'tadi. Nufuzli musobaqaga AQSh, Kanada va Meksika mezbonlik qiladi.
“Zamin”ni Telegramʻda oʻqing!
