Osiyo Chempionlar ligasida yetti turdan keyin «Shanxay Shenxua» pley-offga chiqish imkoniyatidan mahrum bo'lgandi. 8-turda «Buriram Yunayted»ga qarshi bahs Leonid Slutskiy jamoasi uchun turnirdagi so'nggi imkoniyat — hech bo'lmasa munosib xayrlashuv bo'lishi kerak edi, biroq bu reja amalga oshmadi. Bu haqda euro-football.ru xabar beradi.
Tailand klubi uchrashuvni ancha ishonchli o'tkazib, 2:0 hisobida g'alaba qozondi. «Buriram Yunayted» birinchi bo'limning dastlabki qismidayoq ikki bor raqib darvozasini ishg'ol qildi, keyin esa «Shanxay Shenxua»ning maydonda bir kishi kam qolib ketgani o'yindagi intriganing so'nishiga olib keldi.
Ma'lumot uchun, Leonid Slutskiyning «Shanxay Shenxua» bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
