Frankfurtning "Ayntraxt" klubida to‘p surayotgan hujumkor yarim himoyachi Mario Gyotse Germaniya chempionatini tark etib, Saudiya Arabistoniga yo‘l olishi mumkin. Futbolchining o‘zi bu ehtimolni jurnalistlar bilan suhbatda inkor etmadi. Bu haqda euro-football.ru xabar beradi.
Jahon chempioni bo‘lgan Gyotsega ko‘ra, agar "Al-Nasr"dan aniq taklif tushsa, u bu variantni ko‘rib chiqishga tayyor. Uning aytishicha, masalada faqat bitta klub emas, balki Saudiya chempionatining qanday sur’atda rivojlanayotgani ham muhim omil.
Gyotsening "Ayntraxt" bilan amaldagi shartnomasi 2026 yil iyun oyi oxirigacha mo‘ljallangan.
Joriy mavsumda yarim himoyachi "Ayntraxt" safida 25 ta uchrashuvda maydonga tushib, 2 ta golli uzatmani amalga oshirdi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
