Angliya chempionligiga “Lester” bilan erishgan tajribali italiyalik murabbiy Klaudio Raneri Italiya futbolini ortga tortayotgan asosiy omillar haqida fikr bildirdi. Ayni paytda A Seriya Yevropada eng kuchli chempionatlar qatorida kamida uchinchi pog‘onaga tushib qolgan, ayrimlar esa uni top-5 ligalar ichida eng susti deb baholamoqda. Bu haqda euro-football.ru xabar beradi.
Raneri muammoni ikki yo‘nalishda ko‘radi: moliyaviy imkoniyatlar yetishmasligi va tizimdagi barqaror aylanishning yo‘qligi. Uning ta’kidlashicha, Angliya, Germaniya va Fransiya singari Italiyada ham avvallari katta yulduzlar yetishib chiqqan, biroq hozir bunday futbolchilar ko‘rinmayapti va bu milliy jamoa natijalarida ham yaqqol sezilmoqda.
Eslatib o‘tamiz, Italiya terma jamoasi ketma-ket ikki marta — so‘nggi ikki jahon chempionatiga yo‘llanma ololmagan.
“Zamin”ni Telegramʻda oʻqing!
