Hansi-Diter Flik ayni paytda «Barselona»ni Ispaniya La Ligasi doirasida «Vilyarreal»ga qarshi uy uchrashuviga tayyorlamoqda. Seshanba kuni germaniyalik mutaxassis 61 yoshni qarshilaydi. Bu haqda euro-football.ru xabar beradi.
Shu munosabat bilan «Bavariya» ijtimoiy tarmoqlarda Flikka murojaat qildi va qisqa tabrik yo'lladi: «Tug'ilgan kuning bilan, Hansi».
Flik 2019–2021 yillarda Myunxen klubining bosh murabbiyi bo'lib ishlagan. Uning qo'l ostida «Bavariya» ikki bor Bundesliga chempionligini qo'lga kiritdi, shuningdek Chempionlar ligasi, Germaniya kubogi, Germaniya Superkubogi, UYEFA Superkubogi va Klublar o'rtasidagi jahon chempionati trofeylarini yutdi.
Ma'lumot uchun, «Barselona» «Vilyarreal»ni fevral oyining so'nggi kunida o'z maydonida qabul qiladi.
“Zamin”ni Telegramʻda oʻqing!
