«Inter» Chempionlar ligasida kutilgan natijani bera olmadi. Milan klubi pley-off bosqichidayoq turnir bilan xayrlashdi: «Bude-Glimt»ga safarda 1:3, uyda esa 1:2 hisobida yutqazdi. Bu haqda euro-football.ru xabar beradi.
Shunga qaramay, klub rahbariyati bosh murabbiy Kristian Kivuning ishidan mamnun. Jurnalist Nikolo Skiraning ijtimoiy tarmoqlardagi xabariga ko'ra, Kivu bilan shartnomani uzaytirish bo'yicha kelishuv yaqin: yangi bitim 2028 yil yozigacha mo'ljallangan bo'lib, yana bir mavsumga cho'zish bandini ham o'z ichiga oladi.
Qayd etilishicha, hujjatlar imzolangach, Kivuning maoshi ham oshiriladi.
Kivu «Inter»ni o'tgan yozda qabul qilib olgandi. Jamoa A Seriyada ishonchli peshqadam bo'lib turibdi va ikkinchi o'rindagi «Milan»dan 10 ochko oldinda bormoqda.
“Zamin”ni Telegramʻda oʻqing!
