Marcelo Gallardo murabbiy sifatidagi so'nggi uchrashuvini o‘tkazdi: jamoasi Banfildga qarshi bahsda 3:1 hisobida g‘alaba qozonib, ketma-ket uch mag‘lubiyatdan iborat omadsiz seriyani yakunladi. Bu haqda euro-football.ru xabar beradi.
Aynan o‘sha muvaffaqiyatsiz natijalar Gallardoning lavozimini qimmatga tushirdi, biroq klub unga chiroyli tarzda xayrlashish imkonini berdi. U esa bu lahzani nihoyatda ta’sirli tarzda yakunladi.
O‘yin tugaganidan so‘ng ko‘z yoshlarini yashirmagan Gallardo muxlislarga minnatdorchilik bildirib: «Hammangizga shunchaki rahmat. Bu qadar mehrni so‘z bilan to‘liq ifodalash qiyin. Men butunlay ketmayapman. Riverdan hech kim abadiy ketmaydi. Bu sehrli maskan: ketsang ham, baribir klub bilan qolasan», dedi.
Eslatib o‘tamiz, Gallardo 1990-yillarda klub sharafini himoya qilgan, shuningdek Argentina terma jamoasida ham to‘p surgan.
“Zamin”ni Telegramʻda oʻqing!
