So'nggi uchrashuvlarda biroz sekinlashib qolgan «Como» shanba kuni omon qolish uchun kurashayotgan «Lecce»ni «Juzeppe Sinigalya» stadionida qabul qildi. Bu haqda euro-football.ru xabar beradi.
Mehmonlar 13-daqiqada hisobni ochdi: Lamek Banda qanotdan oshirdi, Lassana Kulibali esa bosh bilan aniq zarba yo'llab, «Lecce»ni oldinga olib chiqdi. «Como» tezda o'ziga keldi — 18-daqiqada Hesus Rodriges Anastasios Duvikasni qulay vaziyatga chiqarib qo'ydi va hisob tenglashdi.
Mezbonlar bosimini kuchaytirib, 36-daqiqada yana gol urdi: Rodriges Maksimo Perronedan uzatmani qabul qilib, to'pni darvozaga joylab qo'ydi. Tanaffus oldidan Lukas da Kunya yuqoridan uzatma berdi, Mark-Oliver Kempf esa bosh bilan yakunlab, hisobni 3:1 ko'rinishiga keltirdi.
Ushbu g'alabadan so'ng «Como» turnir jadvalida beshinchi pog'onaga ko'tarilib, «Yuventus»ni ortda qoldirdi. «Lecce» esa quyi qismda qolmoqda — jamoa pastdan uchinchi o'rinda.
“Zamin”ni Telegramʻda oʻqing!
