Marselo Gʻallardo murabbiy sifatidagi soʻnggi uchrashuvini «Banfield»ga qarshi oʻtkazdi. «River Pleyt» bu o‘yinda 3:1 hisobida gʻalaba qozonib, ketma-ket uchta magʻlubiyatdan iborat omadsiz seriyasiga nuqta qoʻydi. Bu haqda euro-football.ru xabar beradi.
Aynan shu magʻlubiyatlar seriyasi Gʻallardoning lavozimi bilan xayrlashishiga sabab bo‘ldi, biroq klub unga munosib tarzda ketish imkonini berdi. U esa uchrashuvdan keyingi chiqishida buni juda ta’sirli tarzda namoyish etdi.
«Shunchaki barchangizga rahmat. Sizning muhabbatingizni soʻz bilan toʻliq ifodalash qiyin. Men butunlay ketmayapman. «River»dan hech kim abadiy ketmaydi. Bu sehrli joy: ketsang ham, baribir klub bilan qolasan», — dedi Gʻallardo koʻz yoshlarini tiya olmagan holda.
Eslatib o‘tamiz, 1990-yillarda Marselo Gʻallardo «River Pleyt» safida ham, Argentina terma jamoasida ham futbolchi sifatida to‘p surgan.
“Zamin”ni Telegramʻda oʻqing!
