Анталиядаги Торос тоғлари этагида жойлашган Ормана қишлоғи Бутунжаҳон туризм ташкилоти (UNWTO) томонидан «2024 йилнинг энг яхши туризм қишлоқлари» рўйхатига киритилди.
Ормана Мустафопаша ва Таракли (2021), Бирги (2022) ва Ширинже (2023) дан кейин ушбу рўйхатга киритилган Туркиянинг 5-қишлоғи ҳисобланади.
Ормана Ибради туманидаги эски кўчманчи туркий халқларнинг қишлоғи бўлиб, Манавгат дарёсига қуйиладиган сойлар орасида жойлашган ва Анталия шаҳар марказидан атиги 2,5 соатлик масофани ташкил қилади. Эллинистик даврдан бери аҳоли пункти бўлган қишлоқ маданий ва тарихий ажойиботлари билан ҳам ажралиб туради.
Ҳозирги кунда 600 кишилик аҳолига эга Ормана, айниқса, яхши сақланиб қолган халқ меъморчилиги ва 57 йил давомида нишонланиб келинаётган узум фестивали билан ҳақиқий тажрибасевар саёҳатчиларни ўзига жалб қилмоқда.
Туркиядаги маҳаллий архитектуранинг энг барқарор намуналаридан бири оҳаксиз, фақат тош ва кедр ёғочидан қурилган «тугмали уйлар»дир. Бу уйларда минтақадаги кедр дарахтларидан олинган тахталарни бир-бирига маҳкамлаб, ёғоч рамка ҳосил қилинади ва тошлар бу ёғочлар томонидан ушлаб турилади.
Сўнгги йилларда бу ноёб уйлар қайта тикланди ва Торос тоғлари этагидаги Ормана қишлоғи барқарор саёҳат йўналиши сифатида сайёҳларни мафтун қилмоқда. Қайта тикланган баъзи тугмали уйлар ҳатто бутик меҳмонхоналарга айлантирилиб, бу ерда ҳудуднинг жўшқин руҳини ҳис қилиш ва ўзига хос маҳаллий турмуш тарзини бошдан кечириш каби ҳақиқий тажрибаларга эга бўлиш имконияти мавжуд.
Ормана ўзининг ноёб архитектурасидан ташқари, кўплаб тарихий ва табиий бойликларга эгалиги ҳамда ёввойи табиатни кузатиш ва фотосафарлардан тортиб қадимий ғорларни кашф қилиш ва треккинггача бўлган турли хил қизиқарли машғулотлари билан эътиборга моликдир.
Ормана ва унинг атрофида диққатга сазовор жойлардан Олтинбешик ғори ва Эйниф текислиги бор. Туркиянинг энг катта ер ости кўли ва Европанинг учинчи йирик кўли ушбу Олтинбешик ғорида жойлашган.
Туркиядаги биринчи ва ягона миллий ғор боғи Олтинбешикка туташ ҳудудда 90 минг гектарлик Эйниф текислиги жойлашган. Текислик тарихий Буюк Ипак йўлида жойлашган бўлиб, бу ерда юзлаб ёввойи отлар яшайди. Текисликда Салжуқийлар даврига оид Тол Инн (Тол Хон) ва Рим даврига оид Эримна қадимий шаҳарлари жойлашган.
Бундан ташқари, Ормана узумзорлари билан ҳам машҳур. Сайёҳлар узумзорларга ташриф буюриб, маҳаллий эчки сутидан тайёрланган пишлоқ ва узумнинг ажойиб навларидан татиб кўришлари мумкин. Бу ерда сентябрь ойида «чавуш» узумини нишонлаш учун ҳар йили узум фестивали ўтказилади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хитой Доналд Трампнинг BRICS аъзоларига нисбатан таҳдидларига жавоб берди
Илон Маск: Америка Қўшма Штатлари банкротлик ёқасида!
Эрдўған Путин билан Суриядаги вазиятни муҳокама қилди
Гриппдан сўнг организм қанча вақтда тикланади?
Олимлар инсон танасидан чиқадиган иссиқликни электр энергиясига айлантиришни ўрганди
"Энг яхшиси ҳали олдинда" ёки "Ҳали ҳаммаси олдинда..." иборалари ҳақида
Аббосбек Файзуллаев ЦСКАда қанча маош олади?
Улуғбек Рашитов жаҳоннинг 2024 йилдаги энг яхши таэквондочиси бўлди
