2025 йилнинг 12 декабр куни бўлиб ўтган The Game Awards 2025 маросимида Resident Evil Requiem ўйинининг янги трейлери тақдим этилди. Ушбу трейлерда Леон Кеннедининг қайтиши тасдиқланди. Бу ҳақда DTF хабар берди.
Леон Кеннеди 2012 йилда чиқарилган Resident Evil 6 ўйинидан сўнг илк бор серияга қайтмоқда. У иккинчи бош қаҳрамон сифатида Грейс Эшкфорт билан бирлашиб, янги ёвуз қаҳрамон Виктор Гидеонга қарши курашади. Ўйиннинг янги қисми Resident Evil: Outbreak ўйинида вафот этган журналист Алиса Эшкрофтнинг қизи атрофида ривожланади.
Энди у FBI агенти бўлиб, Раккун-Ситига тергов олиб бориш учун келади. Resident Evil Requiem ўйинининг чиқарилиши 2026 йилнинг 27 февралига белгиланган.
Ўйин PC, PS5, Xbox Series X|S ва Nintendo Switch 2 платформаларида сотувга чиқади. Январ ойида лойиҳа ҳақида қўшимча маълумотлар бериладиган алоҳида тақдимот ўтказилиши режалаштирилган. Бунгача эса Леон Кеннеди тасвирланган ўйин қутиси тасодифан интернетга тарқалди.
Меҳмон гуруҳидаги фойдаланувчилар ушбу мақолага изоҳ қолдира олмайди.
