8–10 декабр учун Ўзгидромет шошилинч огоҳлантириш билан чиқди

Ўзгидрометнинг тезкор огоҳлантиришига кўра, 8–10 декабрь кунлари мамлакат ҳудудига нам ва совуқ ҳаво оқими кириб келади. Бу даврда айрим ҳудудларда ёмғир ёғиши, тоғолди ва тоғли минтақаларда эса ёмғир-қор аралаш кучли ёғингарчилик кузатилиши мумкин.

9–10 декабрда шимолий ва чўл ҳудудларда шамол тезлиги 15–18 м/с гача, баъзи жойларда эса 20–22 м/с гача кучайиши эҳтимолдан холи эмас.

Ҳарорат ҳам сезиларли пасайиши кутилмоқда: 10 декабрдан бошлаб марказий вилоятларда кечалари 2–5 даража совуқ, кундузи 3–6 даража илиқ атрофида бўлади. Шимолий ҳудудларда эса кечалари 7–10 даражагача, кундузи 0–3 даража совуққа қадар тушиши мумкин.

Мутахассислар аҳолини ҳаво шароитидаги кескин ўзгаришларга тайёр туришга ва хавфсизлик чораларига риоя қилишга чақиради.