Reddit’даги фойдаланувчилардан бири бошидан ўтган ўта ғайриоддий ҳикояни айтиб берди. Унинг сўзларига кўра, у ўзини мутлақо кутмаган ҳолда охирги Хитой императори Пу И билан қариндошлик боғлайдиган оилага “қадам қўйиб” қолган. Бу воқеа эркак Америкада тиббиёт университетида танишган хитойлик талабага уйланишга қарор қилганидан сўнг маълум бўлган.
Йигит таъкидлаганидек, тўйдан бир неча кун олдин келиннинг она томондан бувиси сўнгги император Пу Ининг туғишган синглиси эканлиги ҳақида билган.
Бироқ шоҳона авлодга мансублик қизга ҳеч қандай моддий фойда ёки имтиёз олиб келмаган. Аксинча, 1970 йилларда унинг отаси жуда қийин шароитда, қашшоқликда тарбиялангани маълум бўлган.
Келиннинг оиласида асраб қўйилган бир нечта тарихий ашёларгина бор: насл-насабни тасдиқловчи ҳужжатлар, контрабанда йўли билан сақлаб қолинган нефрит тумор, ХХР ҳукуматининг 1970 йилларда берилган реабилитация қоғози, оилавий хаттотлик чўткалари ҳамда қўлда ёзилган сарой услубидаги ошпазлик китоби. Йигитнинг айтишича, қиз ўзи келиб чиққан наслни кўз-кўз қилиш тақиқланган оила муҳитида ўсган.
Ҳозирда турмуш ўртоқлар 40 ёшдан ошган ва Нью-Йорк шаҳрида уч фарзанди билан бирга ҳаёт кечирмоқда. Америкалик куёв айни пайтда ҳам бу тасодифий қариндошликни “ҳаёт менга кўрсатган энг кутилмаган бурилишлардан бири” деб таърифлайди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
