Қарз тўланмагач иссиқхона биноси хатланиб, аукцион савдога чиқарилди

Сўнгги йилларда тадбиркорлик субъектларини давлат томонидан қўллаб-қувватлашга устувор аҳамият берилиб, аҳолини тадбиркорликка жалб қилиш тизимини такомиллаштириш, тадбиркорлик субъектларини молиявий қўллаб-қувватлаш орқали жойларда тадбиркорлик ва ишбилармонлик муҳитини яхшилаш бўйича саъй-ҳаракатлар изчил давом эттирилмоқда.

Бунда тижорат банкларининг кредитлари орқали тадбиркорлик фаолиятини қўллаб-қувватлаш ижтимоий-иқтисодий жиҳатдан юқори самара бермоқда.

Бироқ, амалиётда тадбиркорлик субъектлари томонидан кредит шартномасида белгиланган мажбуриятларни бажармаслик ҳолатлари тез-тез учраб туради.

Мисол учун, АТБ “Қишлоқ қурилиш банк” Навоий минтақавий филиали томонидан “T.V.S” масъулияти чеклаган жамиятига тадбиркорлик фаолиятини ривожлантириш мақсадида 1 млрд. 534,3 млн. сўм кредит ажратилган.

Кредит шартномаси бўйича масъулияти чекланган жамияти раҳбари ўз мажбуриятларини белгиланган муддатларда бажармаганлиги сабабли, Кармана туманлараро иқтисодий судининг 20.12.2021 йилдаги қарорига асосан кредит қарзини ундириш ва ундирувни гаровга қўйилган “Иссиқхона” биносига қаратиш белгиланган.

Мазкур ижро ҳужжати Бюронинг Навоий вилояти бошқармасига келиб тушган бўлиб, олиб борилган ижро ҳаракатлари жараёнида МЧЖ раҳбари ушбу қарздорликни тўлаш юзасидан бўйича бир неча бор огоҳлантирилган, банк ҳисобрақамларига электрон инкассо топшириқномалар юборилган.

Аммо, қарздорлик тўланмаганлиги натижасида гаров таъминоти сифатида қўйилган 1 млрд. 875 млн. сўмлик гаровга қўйилган “Иссиқхона” биноси хатланиб, электрон онлайн аукционда сотиш учун чиқарилди.

Жамиятнинг мол-мулки сотилиши билан сотувдан тушган маблағ қарздорликни қоплашга йўналтирилади ва келгусида бошка бир тадбиркорнинг кредит ресурсларидан фойдаланишига замин яратилади.

Навоий Янгиликлар