Аргентина футболи афсонаси Лионель Месси АҚШнинг Майами шаҳрида катта шарафга сазовор бўлди — унга шаҳарнинг рамзий калити топширилди. Тантанали маросимда шаҳар мэри Фрэнсис Суарес бу калитни шахсан Мессига тақдим этди.
— Сизга бу калитни шаҳримиз учун қўшган ҳиссангиз ва жаҳон футболига қилаётган хизматларингиз учун топширяпман. Майамини ва бутун мамлакатни илҳомлантираётганингиз учун миннатдорман, — деди мэр Суарес маросимда.
Маълумот учун, Лионель Месси 2023 йил ёзидан буён “Интер Майами” клуби шарафини ҳимоя қилиб келмоқда. Яқинда эса у клуб билан шартномасини 2028 йил декабргача узайтирди.
Шу тариқа, шаҳар раҳбарияти Мессининг нафақат спортдаги, балки Майамининг маданий ва жамоат ҳаётидаги таъсирини ҳам эътироф этди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
