Ўзбекистон Президенти Шавкат Мирзиёев АҚШда йирик компаниялар вакиллари билан учрашувларни давом эттирмоқда. Вашингтон шаҳрида давлат раҳбари General Motors International компанияси ижрочи директори Шилпан Амин билан учрашди.
Учрашув давомида томонлар ҳамкорликни давом эттиришга келишиб олдилар. Сўнгги беш йил давомида компания томонидан 1,6 миллион дона автомобиль ишлаб чиқарилгани таъкидланди.
Ўзбекистон ушбу бренд учун АҚШдан кейин иккинчи йирик бозор бўлиб, Марказий Осиё ва МДҲ минтақасида савдо бўйича етакчи бўлди. Бундан ташқари, GM вакили маҳсулотларни маҳаллийлаштириш жараёнига кўмаклашишни ваъда қилди.
Ўзбекистон ишлаб чиқаришни яхшилаш ҳамда янги бозорларга чиқишни режалаштирмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг 
