Пенсия жамғармаси фуқароларга огоҳлантириш берди
Ўзбекистон Республикаси Пенсия жамғармаси нафақахўрларга пенсияни оширишни вада қилаётган фирибгарлар ҳақида огоҳлантирди. Фирибгарлар ўзларини жамғарма ходимлари сифатида таништириб, телефон орқали шахсий маълумотлар, банк карталари реквизитлари, ПИNFL ва баъзан пул маблағларини талаб қилмоқда.
Ўзбекистон Республикаси Пенсия жамғармаси фуқароларни, хусусан, нафақахўрларни нишонга олган янги фирибгарлик схемаси тарқалаётгани ҳақида огоҳлантирди. Фирибгарлар ўзларини жамғарма ходимлари сифатида таништириб, нафақахўрларга телефон орқали мурожаат қилиб, пенсия ҳисоблашда хатолик бўлганини айтишади ва уни ошириш хизматини таклиф қилишади.
Бунинг эвазига улар шахсий маълумотларни, жумладан, банк карталари реквизитлари, ПИНФЛ ва баъзи ҳолларда пул маблағларини талаб қилишади. Пенсия жамғармасининг расмий вакиллари таъкидлашича, пенсияларни қайта ҳисоблаш фақат фуқаролар томонидан шахсан мурожаат қилган ҳолда туман ёки шаҳар бўлимларида амалга оширилади.
Жамғарма ходимлари ҳеч қачон телефон орқали ёки кўчада бундай хизматларни таклиф қилмайди. Фуқароларга ўз шахсий маълумотларини учинчи шахсларга бермаслик қатъий тавсия этилади.
Шубҳали таклифларга дуч келинганда, зудлик билан Пенсия жамғармасининг ишонч телефони – 1271 ёки ҳуқуқни муҳофаза қилиш органларига 102 рақами орқали мурожаат қилиш лозим.
Изоҳлар 0
…