Конгодағы Эбола дүрбелеңі: тұрғындар аурухананы өртеп жіберді

Конгода адамдар Эболадан қайтыс болды деп күдіктелген жігіттің денесін алуға рұқсат берілмеген соң, аурухана аумағындағы оқшаулау шатырларын өртеп жіберді.

Екі шатыр өртеніп кетті, бір медицина қызметкері жарақат алды. Полиция жағдайды реттеу үшін аспанға ескерту оғын атты.

Билік өкілдерінің айтуынша, жергілікті тұрғындардың бір бөлігі Эбола ауруына сенбейді. Халық мұны үкіметтік емес ұйымдар мен ауруханалар ақша табу үшін ойлап тапқан ауру деп санайды.

Дүниежүзілік денсаулық сақтау ұйымы аймақта Эболаға қатысты жүздеген күдікті жағдайға байланысты төтенше жағдай жариялады.