«Ливерпуль» капитаны Вирджил ван Дейк УЕФА Чемпиондар лигасының ширек финалы аясында «ПСЖ»-ға қарсы өтетін қарымта матч алдында командасының мүмкіндіктерін ашық бағалады. Голландиялық қорғаушы «Энфилдтегі» бәсекеде жартылай финалға шығу үшін ауқымды жұмыс атқарылуы керектігін атап өтті.
Бұл туралы Goal.com хабарлайды.
Франциядағы алғашқы ойында 0:2 есебімен жеңілген Арне Слот шәкірттері өз алаңында қиын міндетке тап болды. Ван Дейктің пікірінше, егер команда Париждегідей ойын көрсетсе, турнирден шығып қалатыны анық.
Ол командасын «Энфилдтегі» аңызға айналған кештердің бірін қайталауға шақырды.
«Бізге өте ерекше нәрсе керек, әйтпесе мүмкіндігіміз болмайды. Жанкүйерлер мен біздің ойынымыз ең маңызды факторға айналады.
Біз «Ливерпуль» екенімізді ұмытпауымыз және бұл кешті ұмытылмастай етуіміз шарт», — деді қорғаушы.
Сондай-ақ, капитан клуб басшылығы мен жанкүйерлер арасындағы билет бағасының өсуіне байланысты келіспеушіліктерге де тоқталды. Ол жанкүйерлердің наразылық білдіру құқығын қолдап, бұл мәселенің тезірек шешілуі команда мүддесі үшін қызмет ететінін білдірді.
Чемпиондар лигасындағы бәсекеден бөлек, «Ливерпуль» Англия Премьер-лигасында үздік бестікке кіру үшін де күресіп жатыр. Қазіргі уақытта 52 ұпаймен бесінші орында тұрған команданы алда «Эвертон», «Манчестер Юнайтед» және «Челси» сияқты қарсыластарға қарсы маңызды ойындар күтіп тұр.
“Zamin”-ді Telegram-нан оқыңыз!
