«Барселона» Испания чемпионатының шешуші кезеңі алдында маңызды жаңалық алды. Жарақатына байланысты біраз уақытты өткізіп алған бразилиялық шабуылшы Рафинья сапқа оралды.
Бұл туралы Goal.com хабарлайды.
Ол «Осасуна»-ға қарсы ойынның тізіміне енгізілді.
Бас бапкер Ханси Флик футболшының команда үшін маңыздылығын ерекше атап өтті. Оның айтуынша, Рафинья әрқашан алаңда бар күшін салады және оның оралуы командаға үлкен көмек береді.
Сондай-ақ, бапкер жарақат алған басқа да футболшылардың жағдайына тоқталды. Ламин Ямалдың қалпына келу процесі жақсы жүріп жатқаны және ол жақын арада сапқа оралады деп күтілетіні белгілі болды.
«Барселона» қазіргі уақытта турнир кестесінде «Реал Мадрид»-тен алда келеді. Команда «Осасуна»-ны жеңіп, чемпиондыққа қарай тағы бір қадам жасауды мақсат етіп отыр.
“Zamin”-ді Telegram-нан оқыңыз!
