Somalida chigirtkalar galasi ekinlarni yeb bitirmoqda

  • 23 dekabr 2019, 07:00
  • 945
  • Dunyo
  • Somalida chigirtkalar galasi ekinlarni yeb bitirmoqda
    Shanba kuni Somalidagi fermerlar o‘z ekinlarini chigirtkalar “bosqini”dan himoya qilishda yordam berishlarini so‘rab mamlakat hukumati va xalqaro hamjamiyatga murojaat qildilar. Bu haqda Tarjimon.uz xabar bermoqda.

    «Chigirtkalar bizning o‘tloqlarimizni allaqachon yeb bitrishgan. Shuning uchun biz hech bo‘lmasa tarvuz va loviya ekkan hududimizni asrab qolish uchun kurashmoqdamiz. Ammo, biz ularni himoya qila olmayapmiz va Somali hukumati va xalqaro hamjamiyatni bizga yordam berishga chaqiramiz”, dedi Dusamareb shahridagi fermer Jamad Muhammad.

    Yana bir Somalilik fermer Jirosh Qorhere uchun bu yilgi hosildan umid qolmadi. Uning barcha hosilini hasharotlar yeb tugatdi.

    Chigirtkalar butun hududni vayron qildi va hozir siz ko‘rib turganingizdek, bizning o‘simliklarimizni yeyish uchun fermamizga yetib kelishdi. Endi hammasi tamom. Bizda bolalarimizni boqish uchun hech narsa qolmadi va hatto bozordan ovqat sotib olishga ham qodir emasmiz» dedi Qorore.

    Somali va qo‘shni Efiopiyada hasharotlar 70 ming gektar yer maydonini vayron qildi. Bu so‘nggi 70 yil ichidagi eng yomon chigirtka “bosqini” bo‘lib, har ikki mamlakatda oziq-ovqat ta’minoti xavf ostida qolmoqda, deya xabar beradi Oziq-ovqat va qishloq xo‘jaligi tashkiloti.

    » » Somalida chigirtkalar galasi ekinlarni yeb bitirmoqda