Xitoyning Xaykou shahri sobiq meri korrupsiyada ayblanib, oliy jazo — o‘limga hukm qilindi. Tergov jarayonida amaldorning uyidan topilgan boyliklar nafaqat mamlakatni, balki butun dunyoni hayratga soldi.
Tintuv vaqtida sobiq mulozimning xonadonidan 13,5 tonna sof oltin hamda 23 tonna naqd pul mablag‘lari topilgan. Shuningdek, uning ixtiyoridagi Xitoy va xorijda joylashgan elita ko‘chmas mulklari hamda qimmatbaho avtomobillar kolleksiyasi davlat foydasiga musodara qilindi.
Tergov xulosasiga ko‘ra, amaldor 2009 yildan 2019 yilgacha bo‘lgan davrda hukumat shartnomalarini qo‘lga kiritish va yer uchastkalarini rasmiylashtirish evaziga tizimli ravishda pora olib kelgan. U 10 yil ichida jami 4,3 milliard dollarlik noqonuniy boylik to‘plagan.
Sud uni o‘z xizmat vakolatlarini suiiste’mol qilish va davlat mablag‘larini o‘zlashtirishda aybdor deb topdi. Ushbu jarayon Xitoy tarixidagi eng yirik va shov-shuvli korrupsiyaga qarshi kurash holatlaridan biri sifatida qayd etildi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
