Аргентина гранди «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
Клуб таркибини тезкор кучайтириш зарурати борлиги таъкидланмоқда ва энди Делгадо ҳамда Рикельме дуэти айнан шу йўналишда асосий вазифаларни ҳал қилиши кутилмоқда.
Марсело Делгадо футболчилик фаолиятида ҳам ном қозонган: у Аргентина терма жамоаси сафида 1995–2002 йилларда 18 учрашув ўтказиб, 1998 йилги жаҳон чемпионатида ҳам майдонга тушган.
Шунингдек, Делгадо 2003 йилда Либертадорес кубогида энг сермаҳсул футболчилардан бири бўлиб, «Сантос» ҳужумчиси Рикардо Оливейра билан бирга турнир тўпурари сифатида қайд этилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
