Аргентина клуби «Бока Хуниорс» янги спорт директори тайинланганини эълон қилди — энди бу лавозимни Марсело Делгадо эгаллайди. У клуб президенти Хуан Рикелме билан яқин ҳамкорликда ишлайди, Рикелме аввал «Барселона» сафида ҳам тўп сурган. Бу ҳақда euro-football.ru хабар беради.
«Бока Хуниорс» таркибини зудлик билан кучайтиришга муҳтож. Шу боис Делгадо ва Рикелме тандеми яқин даврда трансфер масалаларида фаол иш олиб бориши кутилмоқда.
Делгадо футболчилик фаолиятида ҳам эътиборли йўл босган: у Аргентина терма жамоасида 1995–2002 йиллар оралиғида 18 та ўйин ўтказган ва 1998 йилги жаҳон чемпионатида ҳам майдонга тушган.
Шунингдек, 2003 йилда Делгадо Либертадорес кубогининг энг яхши тўпурари бўлган — у бу натижани «Сантос» ҳужумчиси Рикардо Оливейра билан бирга қайд этган.
“Zamin”ни Telegram'да ўқинг!
