«Антальяспор» ҳимоячиси Георгий Джикия Туркиядаги клуби доирасидаги ҳозирги аҳволи юзасидан фикр билдирди. 32 ёшли футболчининг қисқа интервьюси «FNL s Ilyovym» телеграм-каналида эълон қилинган видеода намойиш этилди. Бу ҳақда euro-football.ru хабар беради.
Джикиядан «Антальяспор»даги ишлари қандай кетаётгани сўралганда, у ҳаммаси жойида эканини айтди. Шунингдек, Туркиядаги шароит ва муҳит ҳам уни тўлиқ қониқтираётганини табассум билан тасдиқлади.
Эслатиб ўтамиз, Георгий Джикия ўтган ёзда «Антальяспор» сафига келиб қўшилган. Шундан бери у жамоа таркибида 13 учрашувда майдонга тушиб, 2 та гол уришга ҳам улгурган.
Ҳозирда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13-февраль куни ўз майдонида «Самсунспор»га қарши ўтказади.
“Zamin”ни Telegram'да ўқинг!
