«Антальяспор» ҳимоячиси Георгий Жикия Туркиядаги фаолияти юзасидан берилган саволларга жавоб қайтарди. 32 ёшли футболчининг сўзлари акс этган видеони «FNL s Ilyovym» телеграм-канали эълон қилди. Бу ҳақда euro-football.ru хабар беради.
Жикия клубдаги ишлари қандай кетаётгани ҳақидаги саволга «ҳаммаси яхши» дея жавоб берди. Туркияда ҳаммаси кўнгилдагидекми, деган саволга эса у жилмайиб, ҳаммаси ўзини қониқтираётганини таъкидлади.
Эслатиб ўтамиз, Жикия ўтган ёзда «Антальяспор» сафига қўшилган. Шундан бери у 13 та ўйинда майдонга тушиб, 2 та гол урди.
Ҳозирда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги учрашувини 13-февраль куни ўз майдонида «Самсунспор»га қарши ўтказади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
