Аргентина гранди «Бока Жуниорс» спорт директори лавозимига янги номзодни эълон қилди — энди бу вазифани Марсело Делгадо бажаради. У клуб президенти Хуан Рикельме билан яқин ҳамкорликда ишлайди, Рикельме аввал «Барселона» сафида ҳам тўп сурган. Бу ҳақда euro-football.ru хабар беради.
Жамоа таркибини тезкор кучайтириш зарурати борлиги таъкидланмоқда. Шу сабабли Делгадо ва Рикельме олдида трансфер бозорида аниқ ҳамда тез қарорлар қабул қилиш вазифаси турибди.
Делгадо футболчи сифатида ҳам салмоқли тажрибага эга: у 1995–2002 йиллар оралиғида Аргентина терма жамоасида 18 учрашувда майдонга тушган, жумладан 1998 йилги жаҳон чемпионатида ҳам иштирок этган.
Шунингдек, у 2003 йилда Либертадорес кубогида энг кўп гол урган футболчилар қаторидан жой олган — «Сантос» ҳужумчиси Рикардо Оливейра билан бирга турнирнинг энг яхши тўпурари бўлган.
“Zamin”ни Telegram'да ўқинг!
