Аргентина гранди «Бока Хуниорс» клуби янги спорт директори ким бўлишини расман маълум қилди — бу лавозимга Марсело Делгадо келди. У жамоа президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
Клуб таркибни тезкор кучайтиришга муҳтож, шунинг учун Делгадо ва Рикельме дуэтининг асосий вазифаси трансферлар ва жамоани мустаҳкамлаш бўйича аниқ қарорлар қабул қилиш бўлади.
Делгадо футболчилик фаолиятида ҳам катта тажрибага эга: у 1995–2002 йилларда Аргентина терма жамоаси сафида 18 та ўйин ўтказган, жумладан 1998 йилги Жаҳон чемпионатида ҳам майдонга тушган.
У 2003 йилда Либертадорес кубогида энг кўп гол урган футболчи сифатида ҳам эътироф этилган — Делгадо бу натижани «Сантос» ҳужумчиси бразилиялик Рикардо Оливейра билан бирга қайд этган.
“Zamin”ни Telegram'да ўқинг!
